bi noc shirts lege mir wert druff qualitativ hochwertigi stoff für unsri shirts z bruuche, so dass ihr so lang wie möglich freud ah de shirts hend. mir verwende nachhaltigi biologisch ahbauti baumwolle. färbe tüemr t shirts mehrheitlich mit naturpigment vo hand z.B mit schwarzem tee.

mir bedrucke t shirts mitem siebdruckverfahre. ganz nachem credo slow design und slow fashion somit isch alles handarbeit und minimali unterschied sind teil vom druckprozess. jedes shirt isch es unikat wo es nur einisch giht!

gern gömer uf euri idee und wünsch für es einziartiges design für eure verein, club etc. ih! lönd uns via em kontaktformular wüsse was ihr im sinn hend und mir machet e ersti skizze und entwurf vorem druck. au könnetr spezifischi wünsch für farbe, schnitt und grössene sage und mir erarbeitet mit euch e passende entwurf.

mir arbeite uf on demand das heisst, mir produziere eimaligi kollektione uf spezifischi ahfroge. drum betriiebet mir kei online shop. weniger isch meh bi noc :)

mir hend e pauschali für jedes shirt für de arbeitsufwand vom entwurf und em bedrucke vo de shirts, dezue kunnt no de material priis. wil das alles schwankendi faktore sind gebe mir vorem uftrag no bscheid wie tüür es wür werde.